भाजपाचे नेते मोती टहलियानी यांच्या पुढाकार
मूल तालुक्यातील मूल - दाबगाव मक्ता - बल्लारपूर रस्ता सार्वजनिक बांधकाम उपविभाग मूल अंतर्गत तयार करण्यात आला. मात्र दाबगाव मक्ता येथील बौद्ध विहाराजवळ रस्त्याचा काही भाग सोडुन देण्यात आला. त्यामुळे पावसाळ्यात मोठा खड्डा पडला होता . ही बातमी दे दणका न्यूज मध्ये प्रकाशित होताच भाजपाचे नेते मोती टहलियानी यांनी सार्वजनिक बांधकाम विभाग मूल चे उपअभियंता रुपेश बोदले यांच्या लक्षात आणुन दिली. तात्काळ बोदले साहेबांनी दखल घेत रस्त्याची दुरुस्ती केली. त्यामुळे अपघाताची शक्यता कमी झाली आहे.
मूल वरून बल्लारपूर राजुरा कडे जाणारी वाहने दाबगाव मक्ता मार्गाने जात असतात.
याच गावाजवळील बौद्ध विहाराजवळ रस्ता तयार करण्याचे काम सोडून देण्यात आले. त्यामुळे पावसाळ्यात मोठा खड्डा पडला असुन या मार्गावरून वाट काढणे कठीण झाले आहे. रात्रीच्या वेळी
येणाऱ्या वाहन धारकांना हे खड्डे दिसत नसल्याने अनेक दुचाकी वाहन धारकांचा अपघात होऊन गंभीर जखमी झाल्याच्या घटना घडल्या आहेत.यासंदर्भात वेळोवेळी खड्डे बुजविण्याची मागणी करण्यात आली मात्र संबंधित सार्वजनिक बांधकाम उपविभाग मूल चे अधिकारी दुर्लक्ष करीत होते. या बाबत दखल घेत दे दणका न्यूज मध्ये बातमी प्रकाशित करून प्रशासनाचे लक्ष वेधले. या बातमीची दखल घेत भाजपाचे नेते मोती टहलियानी यांनी सार्वजनिक बांधकाम विभाग मूल चे उपअभियंता रुपेश बोदले यांना दखल घेण्याबाबत लक्ष वेधले. त्यांनी तात्काळ आपली यंत्रणा कार्यान्वित करून रस्त्यावरील खड्डे बुडवून रस्ता व्यवस्थित करण्यास पुढाकार घेतला. त्यामुळे या रस्त्यावर होणारे अपघात टाळण्यासाठी मदत होणार आहे. भाजपाचे कार्यक्षम व अभ्यासू नेते म्हणून मोती टहलियानी हे परिचित आहेत. त्यांनी दे दणका न्यूज च्या बातमीची दखल घेऊन ग्रामीण भागातील जनतेची समस्या सोडविल्याबद्दल त्यांचे जनतेनी आभार मानले आहे.
