रवि वाळके/दे दणका न्यूज मूल
मूल शहरबरोबरच अख्खा चंद्रपूर जिल्हा ४५ अंश सेल्सियस तापमानाच्या कडाक्याच्या उन्हाने होरपळत होते, तेव्हा बहुतेक लोक सावलीत विश्रांती घेत होते. मात्र याच वेळी एक युवक आपल्या वाढदिवसाच्या दिवशी एक वेगळाच संकल्प करतो — केक, सेलिब्रेशन वा पार्टी न करता, समाज आणि पर्यावरणासाठी काहीतरी उपयोगी करण्याचा संकल्प स्वच्छता मित्र गौरव शामकुले यांनी केला आहे. आपल्या वाढदिवसाच्या निमित्ताने उमा नदीच्या स्वच्छतेचा संकल्प करत नदीकाठ स्वतःच्या हाताने स्वच्छ केला. या कार्यात बबलू गेडाम सहकाऱ्यांनीही सहभाग घेतला, स्वच्छतेचे महत्त्व आणि नदी संवर्धनाची गरज अधोरेखित केली.
गौरव यांचा हा उपक्रम केवळ एक सामाजिक जबाबदारी नव्हे, तर नदी आणि पर्यावरणाबद्दल जागरूकतेचा अनोखा संदेश ठरतो. वाढदिवसासारख्या खास दिवशीसुद्धा समाजासाठी काहीतरी विधायक करावे, ही भावना निश्चितच प्रेरणादायी आहे.
"स्वच्छ नदी, सुंदर परिसर" या संकल्पनेतून प्रेरणा घेत, गौरव यांचे कार्य आजच्या तरुणांसाठी एक जगण्यासाठीचा आदर्श आणि बदल घडवणाऱ्या नेतृत्वाचे उदाहरण* ठरते.
नदी स्वच्छतेसाठी दिलेले योगदान, जागरूकतेची पेरणी आणि सामाजिक भान यामुळे गौरव यांचा हा वाढदिवस ‘स्वच्छता उत्सवात’ परिवर्तित झाल्याचे दिसते.
