परिचारिकांची पदेही रिक्त ,रुग्णांची होत आहे गैरसोय
रवि वाळके/दे दणका न्यूज मूल
ग्रामीण भागातील आरोग्य समस्या सोडविण्यासाठी प्राथमिक आरोग्य केंद्राची निर्मिती करण्यात आली माञ रिक्त पदांच्या ग्रहणाने जनतेला नाहक त्रास सहन करावा लागत आहे. मूल तालुक्यातील चिरोली प्राथमिक आरोग्य केंद्रा अंतर्गत १८ गावे येत असुन विविध आजाराच्या उपचारासाठी जनता येत असते. फक्त एक वैद्यकिय अधिकारी कार्यरत असून रात्रीच्या वेळेस कुणीही राहत नसल्याने रुग्णांची गैरसोय होत आहे. यातच परिचारिकाची पदे रिक्त असल्याने सेवा देण्यास अडचण निर्माण होत आहे. ग्रामीण जनतेला आरोग्य सुविधा पुरविण्यासाठी आवश्यक पदे भरणे न भरल्याने गैरसोईचा सामना जनतेला करावा लागत आहे.
शहरापेक्षा ग्रामीण भागात जनतेला आरोग्याच्या अनेक समस्या निर्माण होत असल्याने त्यांना लांब अंतरावर जाऊन उपचार करणे कठीण असते. यासाठी गावा जवळच उपचार करता यावा यासाठी प्राथमिक आरोग्य केंद्राची निर्मिती करण्यात आली आहे. मूल तालुक्यातील चिरोली अंतर्गत १८ गावे येत असुन यात चिरोली, जानाळा, फुलझरी, आगडी, कांतापेठ, टोलेवाही, केळझर, खालवसपेठ, सुशीदाबगाव , दाबगाव मक्ता, नलेश्वर, भगवानपूर, व इतर गावांचा समावेश आहे. या गावातून रुग्ण उपचार करण्यासाठी येत असतात. त्यांना योग्य उपचार होण्याच्या दृष्टीने वैद्यकिय यंत्रणा सज्ज असली पाहिजे माञ एकच वैद्यकिय अधिकारी असून परिचारिकाची पदे अनेक वर्षांपासून रिक्त आहेत. त्यामुळे तात्पुरता दिलासा देत रुग्णांवर उपचार सुरू असले तरी ही उपाययोजना तोतडी स्वरूपात आहे. दररोज शेकडो रुग्ण प्राथमिक आरोग्य केंद्रात येत असतात त्यामुळे सर्वांना योग्य उपचार करणे कठीण जात आहे. आरोग्य केंद्रात पुरेसे कर्मचारी नेमणे आवश्यक आहे. माञ रिक्त पूर्तता होत नसल्याने अनेक रुग्णांवर उपचार करण्यास अडचणी निर्माण होत आहेत. याकडे जिल्हा परिषद चंद्रपूर च्या आरोग्य विभागाने लक्ष देण्याची गरज आहे.
वर्षाताई लोनबले, माजी सदस्य पंचायत समिती मूल:
करोडो रुपये खर्च करून चिरोली प्राथमिक आरोग्य केंद्राची निर्मिती करण्यात आली. त्यावेळी सर्व सुविधा व कर्मचारी नेमले जातील असे आश्वासन देण्यात आले होते. आजच्या घडीला एकच वैद्यकिय अधिकारी असल्याने रुग्णांची गैरसोय होत आहे. यातच परिचारिकेचे पद रिक्त आहे. त्यामुळे सदर पदे भरण्यात यावी.
